САЙТ ОДЕССКОЙ ЕПАРХИИ УКРАИНСКОЙ ПРАВОСЛАВНОЙ ЦЕРКВИ

Служба святителю Афанасию Ковровскому.

К приближающемуся празднику всех Русских святых.С л у ж б аиже во святых отцу нашему Афанасию, епископу Ковровскому, исповеднику и песнописцу.На великой вечерниБлажен муж: 1-й антифон. На Господи, воззвах: стихиры на 8, глас 8.Подобен: О, преславнаго чудесе:О, преславнаго чудесе! / светильник Церкве пресветлый, / святитель Афанасий чудный, / верными прославляется ...

К приближающемуся празднику всех Русских святых.

С л у ж б а

иже во святых отцу нашему Афанасию, епископу Ковровскому, исповеднику и песнописцу.На великой вечерниБлажен муж: 1-й антифон. На Господи, воззвах: стихиры на 8, глас 8.Подобен: О, преславнаго чудесе:О, преславнаго чудесе! / светильник Церкве пресветлый, / святитель Афанасий чудный, / верными прославляется днесь./ Славословят земнородных собори, / сликовствуют им ангельстии чини. / О, каковый молитвенник нам земным даровася, / егоже предстательством, Христе, спаси души наша, / яко Един Благоутробен.Возвеселись ныне Церковь Русская, / вселенная вся ей светло сторжествуй, / священную память совершающе / многострадальнаго исповедника Христова, / Афанасия, святителей честное украшение, / земли Владимирския славу и похвалу. / Емуже возопим со умилением: / моли спастися душам нашим, / пастырю наш добрый и милостивый.Приидите, вернии, / лик сладкозвучный составим, / воспоим богомудраго Афанасия святителя, / святых сродников наших прославльшаго: / гусль сладкоглаголивую Церкви ублажим, / кандило молитвы неугасимое возвеличим, / егоже ходатайством спасаемся, / и благодарение Господу приносим, / Единому Благоутробному.Стецемля днесь, людие, / в памяти святителя Афанасия возвеселимся, / венцы похвальныя плетуще в песнех, / и главу преславнаго исповедника венчающе, / молящагося с сонмом святых русских, / об Отечестве, Церкви и людех, / во еже соблюсти нас в правоверии, / мире и единомыслии, / и спасти души наша.Ины стихиры, глас 2.Подобен: Егда от древа:Егда в смутную годину, / архиерейства жезл ти Господь дарова, / и воздвигл тя средь тьмы безверия, / пастыря светосияннаго добродетельми, / тогда ты, Афанасие, воистину, / явился еси людем отец чадолюбивый, / Церкве Христовой защищение твердое, / о славе Божией ревнитель дерзновенный / и молитвенник о душах наших.Егда терпя лютыя гонения, / зрел еси, отче Афанасие, / храмов безмолвие и святынь поругание, / душ человеческих безбожием растление, / тогда из глубины сердечныя / непрестанно вопиял еси ко Господу, / да молитвами Пречистыя Своея Матери, / и боголюбезных святых русских / помилует Христос Отечество наше и люди Своя.Слава, глас 5.Подобен: Радуйся:Прииди, богоблаженне Афанасие, к нам, / твоего требующим милостивнаго посещения, / и избави озлобленныя злокозненными прещении / лютаго неистовства лукавых духóв, / от нихже, яко пленницы уловляемы есмы, / немощствуем, унываем и болезнуем. / Ущедри убо, прехвальне, / и даруй нам ослабу, / утоли бурю и угаси, еже на ны, негодование, / Бога моляще, / подающаго миру велию милость.И ныне, глас тойже: В Чермнем мори:Чтения три.На литии стихиры храма и святаго, глас 4:Пýтие и стези´ Отечества нашего проповедают, / кое множество людей стецахуся к тебе, / чающее окормления духовнаго / и благодушнаго совета житейскаго. / И нас умудри, святителю Афанасие, / право ходити по заповедем Господним. Келия твоя убогая, / отче Афанасие милостиве, / в тесноте своей вмещаша Небо: / ты бо молитвою непрестанною / земная и Горняя совокупляя, / единодушно с лики небожителей / словословие Богу приносил еси, / и всех притекавших к тебе / о вечном жительстве во славе Отчей / мудрствовати научал еси.Слава, глас 8:Постническому сочтался еси, отче, сословию, / и преподобническим украсился еси житием, / мученическим ликóм приобщился еси, / святительства облеклся еси одеждею, / и ныне в Небесных веселишися селениих, / идеже непрестанно ликуют Ангели / с сонмами достославных святых. / Поминай выну, архиерее всечестне, / любовию прославляющих тя на земли / и пресвятое твое творящих успение, / Афанасие блаженне.И ныне, глас тойже:Богородице Дево, / Всеблаженная Марие, / угль Божества во утробе вмещшая неопально, / рождшая Спаса Христа Господа, / принеси фимиам сладкоуханных молитв Твоих / Сыну Твоему и Богу нашему, / да помилует нас многопрегрешивших / и спасет души наша.На стиховне стихиры, глас 5:Подобен: Радуйся:Радуйся, благочестия поборниче, / люботрудный служб церковных рачителю, / молитвы непрестанной усердный делателю, / монашескаго жития похвалó равноангельная, / святителей богокрасная добрóто, / Афанасие, предстателю наш теплейший, / испроси нам у Бога велия милости.Стих: Возвеличите Господа во мною, / и вознесем имя Его вкупе.Радуйся, страстотерпче неодоленный, / богоборческаго неистовства громогласный обличителю, / святотатцев богодерзновенный посрамителю, / терпеливодушный поруганий и скорбей сносителю, / Афанасие святе, мучеников равночестне, / исходатайствуй Отечеству нашему велию милость.Стих: На Тя, Господи, уповах, / да не постыжуся во век.Радуйся, Евангелия деятельный благовестниче, / христианскаго жития светосиянный образе, / помощи чудесной скорый подателю, / услышателю молитв наших благоутробный, / смиренномудрия учителю, / кроткий монахов и мирянов наставниче, / Афанасие любомудре, старче благостый, / испроси душам нашим мира и велия милости.Слава, глас 8:Афанасие, отче наш, / ты яко пчела неустанно трудился еси, / нектар божественной премудрости собирающе, / и медоточныя твоя словеса и песнопения, / воистину, Церкве Божией явишася украшение боголепное. / Темже достойное возмездие трудов твоих приял еси, / ныне торжествуеши в Небесном Иерусалиме, / и о нас присно молишися ко Спасу душ наших.И ныне, глас тойже: Безневестная Дево:На благословении хлебов тропарь святаго дважды и Богородице Дево: единожды. Тропарь святаго, глас 4:Славы Божия ревнителя / и благолепия церковнаго блюстителя, / тесным житием и многими подвиги / великому иерарху Александрийскому подобника, / святителя Афанасия, исповедника Российскаго, / усердно восхвалим, вернии. / Сей бо присно молится / о спасении земнаго Отечества своего / и о всех живущих в нем, / велегласно с любовию взывая: / Русь Святая, / храни веру православную, / в нейже тебе утверждение.Ин тропарь, глас 2:Святителю отче Афанасие, / никтоже тя разлучи от любве Божия, / но яко луча Солнца правды / во мраце гонений богоборческих / над землею Русскою возсиял еси, / поношения и раны, заточения и дальняя изгнания / и горькия работы / Христа ради тридесять лет претерпевая, / святых сродников наших воспевая и в помощь призывая, / иже пред кончиною твоею купно с Господом явишася тебе. / С нимиже и ныне водворяяся взываеши: / Русь Святая, / храни веру православную, / в нейже тебе утверждение.На утрениНа Бог Господь: тропарь святаго дважды. Слава, ин тропарь, И ныне, Богородичен.По 1-м стихословии седален, глас 1:Яко архиерей всечестен / и благочестия священнострадалец, / прещений богоненавистных не убоявся, / безумство тех победил еси, / святителю Афанасие, / моли Христа Бога спастися душам нашим.Слава, и ныне, глас тойже:Едина истинная христиан Покровительнице, / всяких лютых обстояний, / бед и скорбей нас избави / и молитвами Твоими спаси души наша.По 2-м стихословии седален, глас 2:В житии твоем, святителю Афанасие, / любовию своею согревал еси всех / и молитвами своими покрывал еси / от различных зол и напастей, / темже и ныне не отрини нас от твоего заступления.Слава, и ныне, глас тойже:Устами и сердцем величаем Тя, / Матерь Божию: / Ты же, рождшая Бога, / не отрини нас от Твоего заступления.Величание:Величаем тя, / святителю и исповедниче Христов Афанасие, / богодухновенными песньми Церковь Русскую украсившаго / и святых сродников наших / любовию воспевшаго.По полиелее седален, глас 4:Днесь пресветлое торжество / созывает верных собори, / и храмы Божии святии / оглашаются памятствованием дивных подвигов / и сладкозвучным именем / святителя Афанасия достославнаго. / Темже и мы радостно воззовем: / предвари избавити нас от всяких бед, / пастырю наш добрый и молитвенниче присный.Слава, и ныне, Богородичен:Пророцы Тя предвозвестиша, / апостоли проповедаша, / мученицы прославиша, / святителие ублажиша, / темже и мы с ними Богородицу Тя исповедающе, / благочестно в песнех величаем.Таже степенна, 1-й антифон, глас 4. Прокимен, глас 4: Многи скорби праведным, / и от всех их избавит я Господь. Стих: Благословлю Господа на всякое время, / выну хвала Его во устех моих. Всякое дыхание: Евангелие от Луки, зачало 64.По 50-м псалме стихира самогласна, глас 6:Святителю Афанасие богочестне, / ты в житии своем неуклонно исповедал еси Христа Бога / пред неверными власти, соборы и владычиствы, / и Духом Святым благодатно наученный, / с кротостию и благоговением / свидетельствовал еси о уповании своем / и благодушно славословил еси Спаса Господа, / от Негоже стопы человеком исправляются, / во спасение душ наших.

ПОПУЛЯРНЫЕ СТАТЬИ

  • священник Андрей Кирлик: «И в футболе можно находиться с Богом»

     

    Неисповедимы пути Господни. Этой фразой, взятой из Библии, мы часто характеризуем события в жизни, кажущиеся нам необычными. Для бывшего футболиста одесского "Черноморца" и многих других команд, одного из лучших плеймейкеров в украинском футболе первой половины и середины 2000-х Андрея Кирлика Священное Писание — это настольная книга...

  • Вопрос о времени празднования Пасхи Христовой.

     Многие люди задаются вопросом: почему Праздник Светлого Христова Воскресения Пасха празднуется не в один и тот же день каждый год, а в разные дни и даже месяцы весны?

      Праздник Пасхи был установлен в ветхозаветной Церкви в память избавления народа еврейского от рабства египетского (см.: Исх. 12, 24). У древних евреев Пасха была непереходящим праздником и праздновалась от 14 до 21 числа нисана (по лунному календарю), который почти соответствовал нашему марту. Она праздновалась в эти числа месяца независимо от дней седмицы (см.: Исх. 12, 18). Так праздновалась она и во время земной жизни Христа Спасителя.Да и сегодня иудеи также празднуют свою пасху.

  • "Конец света 2012"

    Феномен 2012 года активно обсуждается в обществе на протяжении нескольких последних лет. Отсылки к неким катастрофическим событиям, которые, якобы, должны произойти 21 декабря 2012 года в огромном количестве встречаются в публицистике, эзотерических и художественных произведениях.