САЙТ ОДЕССКОЙ ЕПАРХИИ УКРАИНСКОЙ ПРАВОСЛАВНОЙ ЦЕРКВИ

Служба святителю Афанасию (продолжение)

Канон Богородицы со ирмосом на 6 и святаго на 8, егоже краегранесие: Безсмертию тезоименному песнотворцу Афанасию чудному исповеднику похвала. Глас 8.Песнь 1Ирмос: Воду прошед яко сушу, / и египетскаго зла избежав, / израильтянин вопияше: / Избавителю и Богу нашему поим.Благодатию Твоею, Господи, очисти уста наша недостойная, да неосужденно пение принесем ...

Канон Богородицы со ирмосом на 6 и святаго на 8, егоже краегранесие: Безсмертию тезоименному песнотворцу Афанасию чудному исповеднику похвала. Глас 8.Песнь 1Ирмос: Воду прошед яко сушу, / и египетскаго зла избежав, / израильтянин вопияше: / Избавителю и Богу нашему поим.Благодатию Твоею, Господи, очисти уста наша недостойная, да неосужденно пение принесем песнотворцу и в песнех воспоим Афанасия всеславнаго.Елеем милостей Всещедраго умягчи ожестевшая сердца наша, да неосужденно ти песнь принести возможем, отче наш милостивый, Афанасие всеславный.Землен ум и страстьми осквернен имуще, пение ти, отче, приносити дерзаем, любовию яже к тебе побеждаеми, Афанасие всеславне.Страшатся сердца наша воспевати похвалу и песнь сплетати песнотворцу изящному, обаче сам молитву нашу исправи, Афанасие всеславне.Молебныя песни и похвалы немощныя приими, ихже ти чада твоя приносити дерзают, отче наш милостивый, Афанасие всеславне.Евангелия неленностный проповедник, веры православныя всеизрядный исповедник, святитель богомудрый и яже к Небеси наставник нелестный, в песнех да почтится Афанасий всеславный.Ризу, кровию Агнца Христа убеленную имуще, на небеси Престолу Его предстоиши и о чадех твоих молитву возносиши, отче наш Афанасие всеславне.Богородичен: Твоего Сына и Бога о нас, рабех Твоих недостойных, присно моли, Богородице Дево, купно со служителем твоим всеизрядным, Афанасием исповедником всеславным.Песнь 3Ирмос: Небеснаго круга Верхотворче Господи, / и Церкве Зиждителю, / Ты мене утверди в любви Твоей, / желаний краю, верных утверждение, / едине Человеколюбче.Источник воды животворныя, учение спасения и благодати потоки обильно нам Подающий, от каменя веры родителей твоих благочестивых изведе тя Христос Спас наш.Юность твоя, яко цвет благоуханный лозы благоплодныя, яко отрасль всекрасная вертограда благодатнаго, светом осиявается доброделей, ихже яко жертву благоприятну прияти изволил Христос Спас наш.Тезоименне сый игумену преславному Земли Русския, Сергию великому, Афанасие, отче наш, подвигам и любови того поревновал еси, ныне же купно с ним воспевати сподобился еси Христа Спаса нашего.Египетския прелести и шатания вавилонскаго суемудрствующих от юности твоея избегнути тщался еси, матернею молитвою укрепляемь, и паче суеты мирския возлюбил еси Премудрость Ипостасную – Христа Спаса нашего.Змия древняго дерзости немощны о тебе явишася, отче Афанасие богомудре, возлюбил бо еси путь Правды и шествовати стезями потщался еси Истины, яже приведоша тя в Царствие вечное Христа Спаса нашего.От юности твоея всего себе принесл еси Богу, отче наш богомудре, всякую нечистоту отринувше и страстей течение пресекше, добродетельми возшел еси купно с мудрыми девами на брак Жениха Небеснаго Христа Спаса нашего.Иосифу древнему поревновавше, избегнути тщался еси страстей богомезкаго пленения, святителю преславне Афанасие, сего ради венцем целомудрия увенча тя Источник всякия чистоты Христос Спас наш.Богородичен: Матернюю молитву вознеси о всех, к покрову Твоему прибегающих,  Пречистая Дево, да помилует достояние Свое Владыка всяческих Христос Спас наш.Ин кондак, глас 8:Богодохновенными пении Церковь Русскую украсил еси, / Пречистую Богородицу и святых земли Русския / на умоление Господа за Русь сокрушенную призывая, / порабощенну телу душу непорабощенну соблюл еси, / за овцы Христовы ю полагая и гонителей благословляя; / темже и нас к пажитем небесным возведи, / святителю исповедниче Афанасие.Седален, глас 4:Любовию воспламенился еси, отче Афанасие боголюбче, / и в соборе святых русских / обрел еси искрения други и сомолитвенники: / жизнь свою провождал еси в трудех и песнотворениих, / во святых Дивному Богу поя.Слава, и ныне, Богородичен:Тя величаем Богородице, вопиюще: / Ты еси гора, от неяже неизглаголанно отсечеся Камень / и врата адова сокруши.Песнь 4Ирмос: Услышах, Господи, / смотрения Твоего таинство, / разумех дела Твоя / и прославих Твое Божество.Единаго возжелевше, еже на потребу, суету отринул еси волнуемаго страстьми мира, и прелесть его оставив, крест подвига иноческого приял еси, отче наш Афанасие, немощь естества превозмогающе силою Господней.Не прельстился еси, отче суетою мирскою и стрелами прелестника льстиваго не уязвился еси, в подвигах иноческих помощь обретающе в силе Господней.Небесен ум имуще, благодатию Божией просвещенный, земное отложил еси всякое многоскорбное попечение и к Небеси невозбранно путем иноческим шествовал еси, укрепляемый необоримою силою Господней.Отринул еси лесть вселукавую змия древняго, отринувшаго праотца сладости райския и прилепился еси Правде Божественней, от юности твоея укрепляемый силою Господней.Монашескаго лика украшение, воистину, явился еси, отче наш Афанасие, ризы бо оставивше кожанныя еже по страстем жительства, облеклся еси в броня правды и шлем спасения на главу возложше, яко оружие непобедимое восприял еси силу Господню.Утверждей в начале Небеса разумом, утверди тя, отче Афанасие на камене заповедей Своих, да в немощнем естестве твоем прославляется выну велия сила Господня.Путь и Истина Сый, на пути праве нозе твои настави и не даде ти уклонитися на стези погибели, темже ныне молитвою твоею утверди ны, да купно с тобою сподобимся во веки пети силу Господню.Богородичен: Егда унынием и отчаянием смущает враг души наша, тогда к Тебе, Владычице, дерзаем взывати: О, Мати Света, укрепи ны немощныя, да страсти побеждающе, пети сподобимся силу Господню.Песнь 5Ирмос: Просвети нас повелении Твоими, Господи, / и мышцею Твоею высокою / Твой мир подаждь нам, Человеколюбче.Светильник всесветлый тя достоянию Своему возже Архиерей Великий Спас наш, да на свещнице церковней сияющи, светом Евангельским просвещаеши души наша.Небесный Владыка Христос Спас яко раба благаго и вернаго на подвиг архиерейский призва тя, да явишися людем православным утверждение в скорбех и предстатель неленностный о душах наших.От самаго Пастыреначальника зван был еси, отче наш Афанасие на подвиг епископский, да яко пастырь истинный неленостно упасеши стадо словесных овец и от волков душевредных оградиши души наша.Терния обновленчества и раскола всепагубныя плевелы наставлением твоим исторгл еси от нивы Господней, на ней же делателем искусным показа тя Христос Спас душ наших. Вепри дивии и звери лютии потщася стадо твое расхитити и от ограды спасительныя Церкви Христовыя вселукаво изритути, но молитвою и наставлении твоими победишася, отче наш преславный и молитвенниче о душах наших.Образ был еси верным словом, житием и любовию твоею, духом твоим выну пламенеюще и о чадех твоих в молитве присно руце воздевающе, тоюже от вечныя смерти спаси души наша.Ревностию распаляемь еже по славе Господней, не устрашился еси страха иудейска и не престал еси чада твоя поучати, да не оскудеют в вере, не угаснут в молитве и не поколеблются во исповедании Христа Господа и Спаса душ наших.Богородичен: Церкве столпе непоколебимый и ограждение всетвердое людем Твоим, Всепетая Богородице Дево, милостию Твоею покрый, соблюди и спаси от бед души наша.Песнь 6Ирмос: Молитву пролию ко Господу, / и Тому возвещу печали моя, / яко зол душа моя исполнися, / и живот мой аду приближися, / и молюся яко Иона: / от тли, Боже, возведи мя.Утвердивый сердце твое на недвижимом камене заповедей Христовых, утверждение многим был еси, Афанасие всечудне, егда страстьми твоими Христа Спаса безбоязнено проповедал еси во обличение безумия нечестивых.Адския злобы служителей и клевретов сатанинских немощныя дерзости посрамлены быша силою твоею, егда пред всеми веру твою страстьми запечатлел еси, во обличение безумия нечестивых.Фаворский нетварный свет освети твое еже во мрачней темнице пребывание, егда умною молитвою возшел еси на высоту боговидения и подвигом исповедническим преславно обличил еси безумие нечестивых.Ангелов имел еси сомолитвенников и лики святых сослужителей, во узилище всескорбнем яко во светолепнем храме службу непрестанно соверщающе, и возносил еси Христу Подвигоположнику чистыя молитвы, всеславно обличающе  безумие нечестивых.Не устрашился еси злобы адския, не прельстился еси искушением сатанинским но даже до Голгофы Господу последовал еси, подвигом и молитвою яко мечем посецающе безумие нечестивых.Аспидския злобы и коварства безбожнаго посрамитель явился еси, скорби за Христа яко награду премлюще и среди мрака темничнаго благодарение Господу возсылающе, сим обличил еси безумие нечестивых.Славы венцем нетленным украсися глава твоя, исповедниче преславный, подвиги твоими Церковь укрепляется и терпением твоим посрамляется суемудрствующее безумие нечестивых.Богородичен: Игумения Всечестная земли Русския, Владычице Дево Всепетая, милостию Твоею до скончания века укрепи во Православии землю нашу и во веки посрами безумие нечестивых.Кондак, глас 3:Днесь Афанасий святитель, / Христов исповедник и праведник, / в невечернем Царстве Славы / светло ликует / и в сонме всех Русских святых, / всесоставным гласом победную песнь воспевая, / прилежно молит о нас / Превечнаго Триединаго Бога.Икос:Святителю Афанасие блаженне, / наставника тя почитаем богодухновеннаго, / древним отцем единомудреннаго спостника, / исповедника имене Христова твердаго, / угль ревности о Славе Господней Богосиянный, / звезду на тверди церковней, / сияющую светлостию добродетелей и чудес, / не престай молити о нас / Превечнаго Триединаго Бога..Песнь 7Ирмос: От Иудеи дошедше отроцы, / в Вавилоне иногда, / верою Троическою пламень пещный попраша, поюще: / отцев Боже, благословен еси.Юдоли скорбныя яко храм всесветлый озаришася молитвами твоими, имиже утешение обретал еси в подвигах твоих и еже за Христа страданиях, святых русских прославляюще и Господа поюще Бога отцев наших.Чудес и милостей Своих певца и возвестителя всеизряднаго яви тя, Афанасие, людем Своим Христос Бог наш, в пениих бо и молитвах прославил еси Дивнаго во святых Своих Бога отцев наших.Уста твоя яко труба божественная и яко псалтирь всекрасная похвалу воспеша сродником нашим, ихже подвиги и чудесы всемилостивно прослави  Бог  отцев наших.Днесь вся земля Русская славу твою поет, песнотворче божественный, воспевший всех святых, в ней преславно просиявших и в чудесех своих прославльших Господа Бога отцев наших.Небесныя благодати сосуде всеизрядный, псалтире сладкозвучная Божественнаго Духа, трубо златословесная, воспевшая преславно всех святых русских, Афанасие богоблаженне, о нас моли непрестанно Бога отцев наших.Отечествия нашего и святыя славы его певец досточудный явился еси, песнотворче преславный Афанасие, воспел бо еси вся святыя, в нем просиявшия и в подвигах своих прославившия Бога отцев наших.Мрак неверия и тьма отчаяния отревается молитвами твоими и всяка тварь в веселии научается воспевати Триединаго Бога отцев наших.Богородичен: Услыши моления наша, Мати милосердия, укрепи во правоверии люди Твоя, да купно со исповедником Ковровским присно воспевати возможем Дивнаго во святых Своих Бога отцев наших.Песнь 8Ирмос: Царя Небеснаго, / Егоже поют вои ангельстии, / хвалите и превозносите во вся веки.Избранный сосуде благодати Божественныя, старче предивный и чудотворче всеславный, святителю отче наш Афанасие, молитвами твоими утверди нас во исповедании, да  присно Господа поим и превозносим во вся веки.Света невечерняго благодати Божественныя зерцало преславное явился еси, от келии бо твоей, преславне, никтоже неутешен исхождаше, всякого бо научаеши Господа пети и превозносити во вся веки.Петушковский затвор не возмогл еси, святителю, славу сокрыти божественнаго блистания и силу благодати Вседержителя, яже на тя обильно излиянна быша, всех бо к тебе приходящих непрестанно научал еси Господа пети и превозносити во вся веки.Освети молитвами твоими омраченныя грехом души наша, и сердца наша, грехом очерненныя, омой токами благодати Божественныя, и научи с тобою непрестанно Господа пети и превозносити во вся веки.Воспеваемаго Серафимами Творца и Бога воспевати непрестанно чада твоя учил еси, Афанасие отче наш, тем же днесь купно со ангелы песнь пречудную возносиши, Господа воспевающе и превозносяще во вся веки.Евфрафова новаго дома, Руси святей незыблемое основание, отче преславне Афанасие, умоли Господа во Православии нас сохранити, да купно с тобою Его непрестанно поем и превозносим во вся веки.Троичен: Десницею Твоею содержай концы земли, Праведне и Милостиве, не остави нас погибнути до конца, но молитвами святителя Афанасия вся во Православии утверди и купно с лики небесными присно сподоби Тя пети и превозносити во вся векиБогородичен: Недостойны есмы похвалы Ти, Владычице возносити, но, любовию побеждаеми, со архангелом песнь воспеваем: Радуйся, Обрадованная, Препетая и Превозносимая во вся веки.Песнь 9Ирмос: Воистину Богородицу Тя исповедуем, / спасеннии Тобою, Дево Чистая, / с безплотными лики Тя ублажающе.Исповедниче и святителю, старче нелестный и песнотворче всеславный, Афанасие отче наш, приими наша похвалы, от сердец любящих ти приносимыя и молитвами твоими отверзи нам врата славы Господней.Кия богоглаголивая уста и благочестивыя по достоянию похвалу ти воспети возмогут, Афанасие отче наш? Но и нас недостойных приими скудное приношение, да купно с тобою узрим великий день славы Господней.Уста недостойныя и оскверненное сердце имуще, тя, отче просим, ходатайством твоим очисти души наша, да неосужденно сподобимся в День суда приступити к Престолу Небесному славы Господней.Память праведнаго с похвалами празднующе, любовию сплетаем песнословия и в песнех воспеваем Афанасия, преславнаго исповедника и таиника всепетаго славы Господней.Огражденни суще стеною молитв твоих, отче наш Афанасие, пение ти дерзаем приносити и в песнех величати дивное и неизреченное явление в тебе великой славы Господней.Хвалы и пения и песни духовныя, от любви ти днесь приносимыя, отче, приими и вся купно с тобою сподоби во веки воспевати неизреченную славу Господню.Владычествуяй Небом и землею и на Кресте распятие Претерпевый днесь молитвы твоя приемлет, отче наш преславне Афанасие, и предстательством твоим и нас причаститися сподобляет неизреченныя славы Господней.Богородичен: Архангельскими усты воспеваемая, Владычице Дево Всемилостивая, приими и наше немощное пение и причастники быти сподоби великих милостей и неизреченныя славы Господней.Светилен:Любоблагоутробно Рекшаго: Аз есмь Свет миру, добрый возследователь явился еси, / и просветився от Того Светом Божественным, / светильник Церкви пресветлый показался еси, / отче Афанасие богосиянне.Слава, и ныне, Богородичен:Ангелов удивление, Мати Преблагословенная, / Ты Свет Присносущный ко просвещению языков родила еси, / Имже мы освящаеми, / славословим непрестанно Солнце Правды Христа Бога нашего.На хвалитех стихиры святаго, глас 6:Подобен: Тридневен:Тридневно от гроба воскресшаго / возследователь истинный явился еси, / безсмертию тезоименитый, / святителю Афанасие всехвальне, / благовестил еси радость вечную, / и научал еси паству твою / славити безсмертие нам даровавшаго, / и воспевати Того воскресение.Новаго страстотерпца Афанасия, / воспоем песньми священными, / просиявшаго упованием предивным / и терпением неодоленным, / озарившаго подсолнечную светом доброт своих, / украсившаго Церковь песноплетенными венцы, / любовию от нас неразлучающагося, / и присно молящагося о душах наших.Святителю отче Афанасие, / имея дерзновение ко Христу Богу, / молися о стаде твоем, преподобне, / сохранитися нам от искушений вражиих, / от злонравных обычаев мира, / от прельщений лукавых века сего: / тебе бо покров и защищение имуще, / на тя надежду по Бозе стяжахом, блаженне.Божественною силою укрепляемь, / чувственная страсти победил еси, / и мучения, заточения и гонения / добльственне претерпел еси, / житие непорочно пожив, преславне, / тем и обогати тя Бог дарованием чудес, / Егоже моли, святителю Афанасие, / спастися душам нашим.Слава, глас 4:Приидите днесь, православнии Русстии людие, / радостно поюще гимны победныя, / святаго отца нашего Афанасия благочестне восхвалим, / и светло празднующе сице рцем: / радуйся, ревности Божественныя исполненный; / радуйся, благочестием украшéнный; / радуйся, теплый наш заступниче; / радуйся, безбоязненный свидетелю Истины, / молися об Отечестве нашем, отче священне, / прося ему мира, / и нас, сирых, не забуди, / но пребывай с нами, чады твоими, / и молися за ны ко Господу, / да спасет души наша.И ныне, Богородичен, глас 8:Подобен: О, преславнаго чудесе:О, преславнаго чудесе, / Небесе и земли Царица, / от святых сродников наших умоляемая, / до ныне землю Русскую покрывает / и лика Своего изображении милостивно обогащает. / О, Владычице Державная, / не престани и на будущее время / во утверждение на Руси Православия / милости и чудеса изливати до века. Аминь.Славословие великое и отпуст. И бывает помазание братии от лампады святителя.НА ЛИТУРГИИ Блаженны от канона святаго песнь 3-я и 6-я. Прокимен, глас 1: Уста моя возглаголют премудрость / и поучение сердца моего разум. Стих: Услышите сия, вси языцы, / внушите, вси, живущие по вселенней. Апостол ко Евреем, зач. 335. Аллилуиа, глас 4: Уста праведнаго поучатся премудрости / и язык его возглаголет суд. Евангелие от Иоанна, зачало 36.  Причастен: В память вечную будет праведник:МОЛИТВАО, пастырю добрый овец пажити Церкве Русския, многострадальне святителю и исповедниче Христов Афанасие, Православия ревнителю, покаяния проповедниче, молитвы столпе, любве неизсякаемый источниче, цевнице богодухновенная! Ты, древнею землею Владимирскою и святою Лаврою преподобнаго Сергия воспитанный, измлада сосуд избран Богу явился еси, ревностно служа Ему словесы и деянии. Службе Божией зело прилежа, талант песнотворчества усердно умножил еси: многими духовными песнопении Церковь Христову украсил еси и в прославлении святых земли Русския наипаче потрудивыйся.Ты, благодатию Духа Святаго укрепляемь, гонения лютыя, заточения, изгнания, раны и горькия работы за Христа сладце претерпел еси; богохульныя дерзновенно обличил еси и безплотныя враги посрамил еси.Темже, святителю Афанасие всечестне, блаженства изгнанных правды ради сподобився и Престолу пренебесному продстоя, моли Всеблагаго Бога нашего, да возродится Отечество наше святым покаянием, да утверждается Православная Церковь Русская незыблемо от ересей, расколов и гонений, да пребудем вси в правде и благочестии, и единым сердцем и усты прославим Дивнаго во святых Своих Бога, Отца и Сына и Святаго Духа, во веки. Аминь.Служба составлена прот.Илией Тетерько и прот.Андреем Николаиди. до настоящегг времени никогда не публиковалась.

ПОПУЛЯРНЫЕ СТАТЬИ

  • священник Андрей Кирлик: «И в футболе можно находиться с Богом»

     

    Неисповедимы пути Господни. Этой фразой, взятой из Библии, мы часто характеризуем события в жизни, кажущиеся нам необычными. Для бывшего футболиста одесского "Черноморца" и многих других команд, одного из лучших плеймейкеров в украинском футболе первой половины и середины 2000-х Андрея Кирлика Священное Писание — это настольная книга...

  • Вопрос о времени празднования Пасхи Христовой.

     Многие люди задаются вопросом: почему Праздник Светлого Христова Воскресения Пасха празднуется не в один и тот же день каждый год, а в разные дни и даже месяцы весны?

      Праздник Пасхи был установлен в ветхозаветной Церкви в память избавления народа еврейского от рабства египетского (см.: Исх. 12, 24). У древних евреев Пасха была непереходящим праздником и праздновалась от 14 до 21 числа нисана (по лунному календарю), который почти соответствовал нашему марту. Она праздновалась в эти числа месяца независимо от дней седмицы (см.: Исх. 12, 18). Так праздновалась она и во время земной жизни Христа Спасителя.Да и сегодня иудеи также празднуют свою пасху.

  • "Конец света 2012"

    Феномен 2012 года активно обсуждается в обществе на протяжении нескольких последних лет. Отсылки к неким катастрофическим событиям, которые, якобы, должны произойти 21 декабря 2012 года в огромном количестве встречаются в публицистике, эзотерических и художественных произведениях.